Танылган язучы Дилбәр Булатованың «Бумеранг» дигән яңа китабы дөнья күрде

Танылган язучы, Башкортстанның атказанган матбугат һәм массакүләм чаралары хезмәткәре, филология фәннәре кандидаты, Язучылар берлегенең Татар әдипләре берләшмәсенең проза секциясе җитәкчесе һәм «Тулпар» журналының проза бүлеге мөхәррире Дилбәр Булатованың яңа китабы нәшер ителгән. Ул ут күрше Татарстанның китап нәшриятында басылып чыккан. Әйткәндәй, Дилбәр Данис кызы — 2025нче елдан ТР Язучылар берлеге әгъзасы да.

«Бу китапның исеме моңарчы беркайда да басылмаган әсәрдән. Гадәттә, китапка кадәр повестьлар гәзит-журналларда дөнья күрә. «Бумеранг» исә үз сәгатен көтте. Андагы барлык хәл-вакыйгалар тормыштан алынган. Уйдырма бик аз. Нәрсә турындамы? Бар да бар: туй, бианай-биатай, яшь гаилә, балалар, балаларның чагалары, каен яфраклары һәм башкалар...
Татарстан китап нәшриятының барлык хезмәткәрләренә һәм китапның дөньяга килүенә ярдәм итүчеләргә зур рәхмәт! Тиздән сатуга чыгачак», — дип язган автор социаль челтәрләрдәге шәхси сәхифәсендә.

Коллегабыз ихлас йөрәктән котлыйбыз! Алга таба иҗат уңышлары күп булуын, яңадан-яңа матур китаплары халыкка тәкъдим итеп торылуын телибез.