"Мин Башкортстанны яратам"

Русия халыкларының традицион мәдәни байлыгын саклауга һәм популярлаштыруга юнәлдерелгән Бөтенрусия балалар фольклориадасы яшь талантларга һәм халык сәнгатен яратучыларга үз ишекләрен ачты.

Масштаблы чараның беренче көненең хедлайнеры Русиянең атказанган артисты Марина Девятова булды. Фольклориада кысаларында Марина Девятова күпләрнең яраткан рус халык җырларын үз эченә алган матур концерт программасын тәкъдим итте. Җырчы мондый бәйрәмдә катнашуына шат булуын белдерде һәм тамашачыларга яхшы кәеф теләде.

Журналистлар белән сөйләшкәндә Марина Девятова гаиләнең аерым ролен ассызыклады: «Ватан гаиләдән башлана. Нәкъ менә анда традицияләрне салырга кирәк. Балалар белән генә түгел, ата-аналар белән дә эшләргә кирәк: бала үсә торган мәдәни фонны нәкъ менә алар формалаштыра. Традицияләребезне сакламасак, бөек Ватаныбызның рухи таянычы куркыныч астында калачак, ә моңа юл куярга ярамый", - дип ассызыклады җырчы. Башкортстан артистканың йөрәгендә аерым урын алып тора.

"Мин Башкортстанны яратам һәм һәрвакыт зур рәхәтлек белән монда концертлар белән киләм. Яз көне миндә аншлаг булды – һәм бу монда традицион халык мәдәниятен нинди күңел җылысы белән кабул итүләрен тагын бер кат исбатлый».