Биш мең еллык музыка коралы

Башкортстан башкаласы УФа шәһәрендә яшәүчеләр һәм кунаклар яшен 5 мең ел дип бәяләгән музыка коралын ишетә алачак .

Уфада узачак III Бөтенрусия балалар фольклориадасында Саха Республикасыннан (Якутия) «Дьүрүл» хомусчылар халык фольклор ансамбленең «Күөрэгэй» балалар төркеме хомус осталыгын күрсәтәчәк. Балалар куерэгэйдэтии — «Тургай», хаастатыи – «Казлар», кэ5элэтии – «Күке» һәм башка традицион техникаларны беләләр. Хомус-дөньяда иң борынгы музыка коралларының берсе, аның яшен 5 мең ел дип бәялиләр. Хомус-металлдан ясалган зур булмаган дагасыман рам, эчтә-корыч тел. Якутиядә хомусны уч төбендәге тайга тавышы диләр. Якутиядән катнашучыларның җитәкчеләре - танылган виртуоз-хомусистлар Вера Николаевна һәм Галина Михайловна. Фольклорчылар сүзләренә караганда, Башкортстанда хомусның «туганы» кубыз бар, бу халыкларның музыкаль һәм мәдәни бердәмлеге турында тагын бер кат сөйли.

Фото: tuvest.ru