Дипломга лаек булдылар

Мәскәүнең Үзәк язучылар Йортында Чаковский исемендәге "Гипертекст" Бөтенрусия әдәби премиясенең дүртенче сезоны лауреатларын бүләкләү тантанасы узды. Конкурска Русиянең төрле почмакларыннан һәм чит илләрдән язучылардан өч меңнән артык гариза килгән. "Русчага тәрҗемә" категориясендә жюри бүләкне М. Акмулла исемендәге БДПУ профессоры Александр Шуралевка бирде. Ул Башкортстанның халык шагыйре Гүзәл Ситдыйкованың "Никитские ворота" Мәскәү нәшриятында басылып чыккан «Природа милосердна» шигъри җыентыгын тәрҗемә иткәне өчен диплом алды. А.Шуралевка һәм Г. Ситдыйковага лауреат дипломнары тапшырылды.