Сайлаган һөнәрләренә тугры алар!

Бүген, 22 майда, Татарстан Республикасының Башкортстан Республикасындагы даими вәкиллегендә тантаналы очрашу булды, аның барышында танылган татар мәдәнияте һәм сәнгате эшлеклеләренең казанышлары билгеләп үтелде.

Татарстан Республикасының Башкортстан Республикасындагы даими вәкиле Илсур Фәнил улы Ихсанов кунакларга татар мәдәниятен үстерүгә һәм популярлаштыруга, милли традицияләрне саклауга һәм Татарстан Республикасы белән Башкортстан Республикасы арасында мәдәни элемтәләрне ныгытуга керткән зур өлешләре өчен рәхмәт белдерде. Чара барышында танылган татар җырчысы Әлфинә Фәндәвис кызы Азһәмова 2026 елның 15 маенда Татарстан Республикасы Мәдәният министрлыгы тарафыннан кабул ителгән "Мәдәнияттәге казанышлары өчен" билгесе белән бүләкләнде. Шунысын да билгеләп үтәргә кирәк, 21 майда Әлфинә Әгъзамовага "Башкортстан Республикасының атказанган артисты"исеме бирелде. Рәхмәт хаты белән «Юлдаш» радиосы алып баручысы, «Туган ягым батырлары», «Яңа елга сәяхәт», «Халким хәзинәләре» популяр проектлары авторы Рәсимә Рәис кызы Гайнетдинова бүләкләнде.

Илсур Фәнил улы Ихсанов бүләкләнүчеләргә күпьеллык намуслы хезмәтләре, югары профессионализмнары һәм сайлаган эшләренә тугрылыклары өчен рәхмәт белдерде. Ул аларга нык сәламәтлек, бетмәс-төкәнмәс иҗади энергия, яңа якты проектлар һәм татар мәдәниятен үстерү өчен киләчәктә дә уңышлар теләде.

Әлфинә Азһәмова һәм Рәсимә Гайнетдинова үз чиратында даими вәкилләренә хезмәтләрен югары бәяләгәннәре өчен рәхмәт белдерделәр.