«150 артист. Театр эшлеклеләре берлеге»

Уфаның «Русия – минем тарихым» тарихи паркында 13-22 май көннәрендә «Белем» Русия җәмгыяте һәм күргәзмә комплексының уртак проекты уза. Башкала халкы һәм кунаклары өчен Ватан театры үсешенә багышланган «150 артист. Театр эшлеклеләре берлеге» күргәзмәсе, шулай ук «Хронотоп. Константин Станиславский" документаль фильм карау әзерләнгән.

Экспозиция театрның вакыт, җәмгыять һәм тарихи вакыйгалар тәэсирендә ничек үзгәрүе турында сөйли. Проектны оештыручылар сәхнә сәнгатенең җәмгыять тормышыннан аерым булмавын күрсәтергә омтыла: ул тамашачыларның дөньяга карашын формалаштыра, мәдәни кыйммәтләргә йогынты ясый һәм чор рухын чагылдыра.

«Русия – минем тарихым» паркы белән уртак проект – Мәдәни һәм тарихи мәгърифәтнең ничек җанлы, эмоциональ формага ия булуының ачык мисалы. Театр - куелышлар архивы гына түгел, ә заманның социаль үзгәрешләре, кыйммәтләре һәм чакырулары чагылдырылган чор көзгесе. Станиславский турындагы фильм һәм 150 артистка багышланган күргәзмә тамашачыга фактларны белергә генә түгел, ә сәхнә образларының тулы бер буынның дөньяга карашына ничек йогынты ясавын тоярга да мөмкинлек бирә. Сәнгать белән нәкъ менә шундый мәгънәле бәйләнеш мәдәни кодны һәм тарихи хәтерне формалаштыра, чын мәгънәләре аша илһамландыра, – дип сөйләде мәгърифәтчелек оешмасының Башкортстандагы филиалы директоры Айсылу Илембәтова.

Фото:  Региональное отделение общества «Знание».