Башкалабызда «Стармикс»футбол-концерт тамашасы узачак

Проект Русия халыклары бердәмлеге елына багышланган. Кичәнең үзәк вакыйгасы - «Стармикс» (Мәскәү) һәм «Урал Батыр» медиа командалары арасындагы интерактив шоу-матч.

Башкортстан җыелма командасы исеменнән БРның халык артисты Zainetdin, «Салават Юлаев» хоккейчылары, Олимпия чемпионы Семен Елистратов, БР Мөселманнары диния нәзарәте рәисе Айнур Биргалин, Hardcore FC көрәшчесе Илнар Ишембаев, дөнья рекордчысы Руслан Ягуар, блогерлар Нәүрүз Бабаев, Артем Хуртов, Евгений Приземин һәм башкалар чыгыш ясаячак.

Мәскәү командасы өчен җырчы Торнике Квитатиани, Бабек Мамедрзаев, Ханза, TIGO, Nechaev, Кирилл Мойтон, «Alex & Rus» төркеме, «Отпетые мошенники"ның элеккеге катнашучысы Гарик Богомазов, телетапшырулар алып баручы Константин Тарасюк, Русия җыелма командасының элеккеге футболчысы Руслан Пименов, актер Максим Коновалов («Бумер» фильмы) уйнаячак.

Финал сыбызгысыннан соң стадион концерт мәйданчыгына әвереләчәк. Музыкаль программаны Зәйнетдин ача, аннан соң «Стармикс»командасының сигез артисты чыгыш ясый. Программаны яктылык шоуы бизиячәк.

Тамашачылар өчен фото һәм автограф-сессияләр, конкурслар һәм башка чаралар оештырыла. Төп интерактив — "Йолдызга гол керт", анда очраклы кунаклар кырга чыга һәм танылган кешеләр капкасына туп кертергә тырыша алачак. Җиңүчеләр призларга лаек булачак.

Проект Россия, Казахстан һәм Төркия шәһәрләрендә уңышлы узган. Уфа мондый чараны беренче тапкыр кабул итәчәк.

 

Фото: Стармикс/ Оештыручылар.