Топ кунак- төп кунак

Гөлшат Сафина проектында кунакта.

Әнвәр Нургалиев иң татарча проектта кунак: «Топ кунак. Текә татар».

9 февральдә Уфалылар татар эстрадасы йолдызы белән ихлас әңгәмәнең бәхетле шаһитлары булдылар.

Әнвәр Нургалиев тормышның иң бәхетле мизгелләре турында гына түгел, уңышлы карьерага ирешү юлында үзе кичкән авырлыклар турында да сөйләде.

Җырчы шулай ук традицион татар гаиләсе турындагы карашларын уртаклашты һәм яшь буынга киңәшләрен бирде.

«Хатынны чынлап кадерләргә мин якынча 45 яшемдә генә өйрәндем. Аның нинди зур кыйммәт икәнен тулысынча аңладым», — диде Әнвәр Нургалиев.

Чара Бөтендөнья татар конгрессының Башкортстан Республикасы вәкиллеге ярдәмендә узды. Миләүшә Төхвәтуллина.