Җыр-моңны тугры юлдаш итеп: Бакалының "Сөнәкәй"ләре

«СӨНӘКӘЙ» керәшен халык фольклор ансамбле (Үмер авылы)

Оешу елы: 1987
Сәнгать җитәкчесе: Васильева Светлана Ивановна
Аккомпаниатор: Леонид Васильев

Инде дүрт дистә елдан артык «Сөнәкәй» ансамбле үзенең моңлы чыгышлары белән тамашачыларын сөендерә. Бер генә тантаналы чара да, зур бәйрәмнәр дә ансыз узмый!

Ансамбльнең составында төрле һөнәр ияләре, төрле яшьтәге катнашучылар. Аларны җырга һәм моңга мәхәббәт берләштерә.
Коллективның ветераннары — Митрофановлар гаиләсе, Н.Китова һәм Л.Рыцева.

«Сөнәкәй» чыгышлары һәрвакыт дәртле, балкып торган, югары дәрәҗәле башкару һәм оригиналь куелышлар белән аерылып тора.
Ансамбль — күпкырлы республика һәм төбәкара фестивальләр лауреаты.

2000 нче елда ансамбльгә «халык» исеме бирелә.
Репертуары бай һәм төрле: «Олы көн», «Кичке уен», «Питрау», «Нардуган», «Аулак өй», «Май чабу» һ.б.
Җырларның бер өлеше — Җир-анага, авыл хезмәтчәннәренә багышланган, икенчеләре — туганлык җепләре, дуслык һәм кешене зурлау турында.

«Сөнәкәй» коллективы ел саен яңа үрләр яулый, район данын яклап республикакүләм фестивальләрдә чыгыш ясый:
— «Башкортостан асылташлары»
— «Салават йыйыны»
— «Халыклар дуслыгы»

Татарстан керәшеннәре белән дә актив аралашалар — ансамбль Яр Чаллыда «Питрау», Мөслим районы Яңа Усы авылында һәм Мамадыш шәһәрендә чыгыш ясый.

Үмәр авылының музыкаль фольклоры нәкъ менә «Сөнәкәй» ансамбле ярдәме белән сакланып килә. Аның үзенчәлеге — югалган гореф-гадәтләрне саклау һәм җыр жанрларының күптөрлелеге.
Бу мәҗлес, туй, солдат озату көйләре; өмәләрдә, календарь бәйрәмнәрендә башкарылган җырлар, озын һәм кыска көйләр, урам көйләре һәм такмаклар.

Үмәр авылының кунак җырлары да язылып алынган.
Солдатка озату көйләре элек өйләрдә яңгыраса, хәзер ел саен Бакалының чакыру пунктларында яңгырый.
Никрут җырларының интонациясе туй җырларыныкы кебек үк моңлы, минорлы төсмер белән фаҗигале сулышка ия.

«Сөнәкәй» — Үмер авылының рухи хәзинәсе, керәшен мәдәниятенең йөрәге!

Чыганак: Яков Емельянов исемендәге мәдәни үзәкнең "ВКонтакте" социаль челтәрендәге сәхифәсе.