Балалар фольклориадасына әзерләнәбез

Үзебезне күрсәтергә тиешбез!

  Бөтенрусия балалар фольклориадасы концепциясе нигезендә Башкортстанда 2021 елда уникаль дөньякүләм вакыйгага әверелгән CIOFF® VI Бөтендөнья Фольклориадасын уңышлы уздыру ята. 2026нчы елда ул өченче тапкыр узачак, ә аны уздыру глобаль проектларны оештыру тәҗрибәсе һәм халык иҗатына системалы ярдәм күрсәтүче регионга — Башкортостан Республикасына ышанып тапшырылган, дип хәбәр иттеләр республика Мәдәният министрлыгы матбугат хезмәтендә.

Башкортстанда киң колачлы мәдәният форумын үткәрү даталары 2026 елның июнь аена планлаштырылган. Катнашучыларның яше 10 яшьтән 18 яшькә кадәр: солистлар һәм халык җыры, халык биюе, Халык уен кораллары ансамбльләре һәм традицион мәдәният номинацияләрендә халык иҗатын тәкъдим итәчәкләр.

  «Халык иҗаты — балаларга» проекты кысаларында илнең барлык төбәкләреннән мең ярымга якын катнашучы җыелыр дип көтелә. Бу исә яшьләргә кызыклы, сәнгати зәвык һәм үз тарихыңа һәм традицияләренә карата җаваплылык үстерүче, шул ук вакытта республикада да, Русиядә дә һәм аннан читтә дә үзара хезмәттәшлекнең яңа концепцияләрен булдыруга хезмәт итүче бердәм иҗади-интеллектуаль киңлек булдырырга мөмкинлек бирәчәк.

Балалар фольклориадасы Русиядә халык иҗатының уникаль традицияләрен саклауга, төбәкләрнең мәдәниятара диалогын үстерүгә һәм балалар һәм яшүсмерләр милли фольклор коллективларын Русия мәдәнияте орбитасына җәлеп итүгә юнәлтелгән.