Бәйрәмнәр килде безгә

Татар гимназиясендә чын иҗади мизгел хакимлек итә.

Көз – ул яфраклар коелуның алтын чоры, китаплы кичләр генә түгел, ә Уфа шәһәре Гази Заһитов исемендәге 65нче татар гимназиясенең матур чаралары өчен менә дигән вакыт та. Мәктәп укучыларының иң яраткан традицияләренең берсе –көзге ярминкә, ул ел саен уза.Бу – укытучы, укучылар һәм ата-аналар белән берлектә оештырган чара, аның максаты – бәйрәм, иҗат һәм шатлык атмосферасы булдыру. Ярминкә балаларга үз сәләтләрен күрсәтергә һәм бер-берсе белән аралашырга өйрәнергә мөмкинлек бирә, чөнки инде икенче ел рәттән ярминкә милли стильдә уза.Һәр сыйныф милләтләрнең жирәбәсен тарта, аннары костюмнар, сәламләү һәм ярминкәгә китерелгәннәрдән тыш милли ризыклар әзерли.Шулай ук укытучылар балалар һәм аларның ата-аналары өчен иҗади мастер-класслар әзерлиләр.

Быел ул Милли кием көне уңаеннан тагын да мавыктыргычрак узды. Быел халык курчагы ясау, футболкаларны милли бизәкләр белән бизәү, "Такыя" милли хатын-кызлар баш киеме ясау, шулай ук "курчак театры» мастер-классы булды.Ярминкәдә уникаль сувенирлар, уенчыклар, бизәнү әйберләре һәм аеруча өй тәм-томнары сатып алырга мөмкин.Ярминкә тәмамланганнан соң конкурсларда җиңүчеләрне бүләкләү үткәрелә. Укучылар бик күп уңай эмоцияләр, яңа белем һәм күнекмәләр ала, дуслыкны һәм үзара аңлашу көчен ныгыталар.

#МиллиКейемКөнө2025#МиллиКиемКөне2025#ДеньНациональногоКостюма2025