Янә иң күп укучы төбәк булырбызмы?

Сентябрьдә «Россиянең әдәби флагманы» бөтенроссия конкурсына гаризалар кабул итү тәмамлана. Оештыручылар Россия Федерациясенең барлык 89 субъектыннан гариза көтәләр, алар «Россиянең әдәби флагманы» исеме өчен көрәшергә теләкләрен расладылар. Мондый активлык Россия Федерациясенең барлык республикаларының, өлкәләренең һәм округларының инде унберенче тапкыр уздырыла торган иҗат ярышына җәлеп ителүен күрсәтә. Конкурста катнашу өчен төбәкләр жюри хөкеменә 2024-2025 елларда үзләрендә узган әдәбият, китап һәм укуга багышланган аеруча әһәмиятле чараны тәкъдир итәчәкләр. Конкурс гаризаларын бәяләгәндә, гадәттәгечә, жюри Россия Федерациясе Президенты В. В. Путин игълан иткән ел темасына багышланган проектларга һәм чараларга аерым игътибар бирәчәк. Быел - Ватанны саклаучылар елындаГеройларга һәм махсус хәрби операциядә катнашучыларга багышланган чараларга, шулай ук Ватан өчен көрәшкән ата-бабаларыбызның батырлыкларын искә алуга аерым игътибар биреләчәк.

Узган конкурс сезонында «Россиянең әдәби флагманы» исеменә Башкортстан Республикасы лаек булган иде. Аның җиңүенә җирле мәдәни брендка әверелгән «Китап бәйрәме» халыкара китап ярминкәсен оештыру һәм уздыру китерде. Җиңгән проектның девизы «Халыклар дуслыгы – әдәбият дуслыгы» иде.

Россия Федерациясе субъектлары арасында «Россиянең әдәби флагманы» исеменә «Иң күп укый торган төбәк» бөтенроссия конкурсы Россия Федерациясе Цифрлы үсеш, элемтә һәм массакүләм коммуникацияләр министрлыгы ярдәмендә Россия китап берлеге тарафыннан үткәрелә.