"Армия мәдәнияте көннәре" дәвам итә: Фестивальнең экваторы нинди булачак?

16:00 сәгатьтә "Торатау" Конгресс-холлында "Подвиг в песне, отвага в танце!" дип аталган уникаль уртак программада Уфаның "Мирас" һәм Үзәк хәрби округның җыр һәм бию ансамбльләре чыгыш ясаячак.

Русия Федерациясе Оборона министрлыгының башка иҗат коллективлары гастрольләре Белоретта дәвам итәчәк, анда алар А.В. Александров исемендәге җыр һәм бию ансамбле, стратегик билгеләнештәге ракета гаскәрләренең «Кызыл йолдыз» җыр һәм бию ансамбле һәм Ленинград хәрби округының фронт иҗат бригадасы артистлары үз концертларын бирәчәк.

Шулай ук Уфада яңа музей экспозицияләре эше дәвам итәчәк, ә "Родина" кинотеатрында Армия кинофестивалендә катнашучы кинофильмнар күрсәтеләчәк.

Кич белән тамашачыларны Совет мәйданында "Көз романтикасы" III Халыкара классик музыка фестивален матур ябылу тантанасы көтәләр. Программада З.Исмәгыйлевнең «Салават» симфоник поэмасы, А. Бородинның «Князь Игорь» операсыннан «Половецкие пляски» һәм С. Рахманиновның 2нче симфониясенең II өлеше тәкъдим ителәчәк Концерт 18:00 сәгатьтә башлана, керү ирекле. (12+).

Юлай НИЗАЕВ әзерләде.

Фото: фестивальнең матбугат хезмәте.