"Акбузат" эпосы фэнтези вариантында

Мостай Кәрим исемендәге Милли яшьләр театры «Урал батыр» эпосының логик дәвамы булган «Акбузат» башкорт халык эпосының заманча интерпретациясен булдырды. Спектакльнең премьерасы кичә узды. «Акбузат» башкорт эпосы мотивлары буенча язылган оригиналь пьеса авторлары Илсур Казакбаев һәм Зөһрә Буракаева аны хәзерге балалар һәм яшьләргә аңлаешлы тел белән бәян итәргә тырышкан.

— Мостай Кәрим дә, Флорид Бүләков та үзләренең көндәлекләрендә фольклорыбызның аяк астында яткан зур байлык икәнлеген язалар, әмма без аны сизмибез, — ди куючы режиссерИлсур Казакбаев. - Китап вариантында аларны, әлбәттә, бик аз кеше укый. Шуңа күрә без һичшиксез эпосларыбызга яңа сулыш бирергә тиеш. Минем һәм театрның төп миссиясе - бу сюжетлар китапларда гына калдырмау.

Зөһрә Буракаева үзләре язган фэнтезинең асылын аңлатып:

–Анда Акбузат образы  аша һәркемнең күңелендә көн саен барган яхшылык һәм яманлыкның эчке көрәше ачыла, –ди.

Сценарист сүзләренчә, спектакльдә хикәяләү өчен кирәк булган яңа персонажлар да барлыкка килгән, алар Эпоста юк. Бу Юха һәм Үлмәс карт.