"Җидегән йолдыз" лауреат булды!

Үзенчәлекле конкурс китергән уңыш.

З. Исмәгыйлев исемендәге Уфа дәүләт сәнгать институтының Шаляпин концертлар залында вокал һәм хор коллективлары арасында II Бөтенрусия a cappella җырлау конкурс-фестивале узды. Оештыручылар – Русия Федерациясе Мәдәният министрлыгы һәм Уфа дәүләт сәнгать институтының хор дирижерлыгы кафедрасы.

Конкурсның үзенчәлеге шунда: биредә инструментлар кулланмыйча, тавыш белән генә иҗат ителгән музыка яңгырый.
Туймазы районының "Җидегән йолдыз" халык татар җыр ансамблен бу мәртәбәле бәйгедә II дәрәҗә лауреат исеменә лаек булулары белән ихлас тәбриклибез!