Сәхнәдә - кинодрама!

Бөек Җиңүнең 80 еллыгын М. Гафури исемендәге Башкорт дәүләт академия драма театры яңа премьера белән каршылый. Театр сәхнәсенә танылган башкорт язучысы Гөлсирә Гыйззәтуллина повесте буенча сәхнәләштерелгән «Яратам дип әйтергә өлгермәдем» кинодрамасы чыкты. Спектакльне 7 һәм 22 майда карарга мөмкин.

 «Яратам дип әйт өлгермәдем» хикәясе башкорт әдәбиятында зур вакыйга булды. Республика китапханәчеләре аны укучылар арасында иң популяр әсәр дип таныды, ә Мостай Кәрим исемендәге Фонд «Проза» номинациясендә махсус приз белән билгеләп үтте. Хикәядә гади авыл хатын-кызы Фәрхинурның Германиягә сәфәре турында бәян ителә. Ул моннан 64 ел элек хәбәрсез югалган иренең каберенә барырга тели. Аның немец концлагеренда ябыгудан үлгәнен һәм күмелгән урынын белгәч, ул сөйгәненә әйтергә өлгермәгән төп сүзләрне әйтү өчен ерак юлга чыгарга карар кыла.

–Минемчә, бу спектакль, повесть кебек үк, Бөек Ватан сугышы турында гына түгел, ә мәңгелек темаларга багышлана: яхшылык һәм яманлык, тормыш һәм үлем, сугыш һәм тынычлык, мәхәббәт һәм аерылышу, ир белән хатынның үзара мөнәсәбәтләре. Бер сүз белән әйткәндә, бу спектакль яратырга һәм бу хакта якыннарыңа сөйләргә кирәклеге турында", - ди спектакльнең режиссеры Айрат Әбүшахманов.

Премьераның  жанрын ул кинодрама дип билгеләгән. Бу театрының репертуар палитрасында бөтенләй яңа жанр.

–Спектакльне сәхнәгә чыгару процессы никадәр катлаулырак, ул режиссер, куелыш төркеме өчен шулкадәр кызыграк, диләр. Бу очракта шулай килеп чыкты да: сюжет буенча төп героиня һәрвакыт юлда. Ул машинага, автобуска, поездга утыра. Без боларның барысын да традицион сәхнә алымнары белән күрсәтергә тырышып карадык, тик көлкеле килеп чыкты һәм бу идеядән баш тарттык. Шул чагында без яңа жанр — кинодрама уйлап таптык та инде. Безнең хезмәткәр Руслан Юлтаев кино белән мавыга һәм ул бу мизгелләрне видеога төшерергә тәкъдим итте. Нәтиҗәдә, без спектакль белән киноны бәйләдек. Миңа калса, яхшы гына килеп чыкты,–ди Айрат Әхтәм улы.