«Татарча диктант-2024» акциясенә кушылыгыз!

Нинди әсәрләр сайланды?

Хөрмәтле милләттәшләр!

Быелгы  «Татарча диктант-2024» акциясе 8, 9, 10 ноябрь көннәрендә уза.

⠀

8-10 ноябрьдә ТНВ Татарстан һәм ТНВ Планета телеканалларында 10:00 сәгатьтә артистлар, җәмәгать эшлеклеләре һәм башка танылган шәхесләр катнашында

диктант уку эфиры оештырылачак.

⠀

Башкортстан татарлары бу вакыйгада елның-елында актив катнашты. Быел да кемнәрдер онлайн рәвештә, кемнәрдер белем бирү үзәкләрендә, кайберәүләр кафе, китапханә, мәдәният үзәкләрендә, хәтта бер-берсенә кунакка барып та язарга планлаштыручылар бар.

⠀

Сез дә диктантка оештыручы буларак теркәлеп, укучыларыгыз, дус-туганнарыгыз, коллегаларыгыз белән яза аласыз!

⠀

Диктантта катнашучылар өчен өч төрле текст әзерләнде: катлаулы (Башкортстан һәм Татарстан өчен), уртача (РФ төбәкләре өчен) һәм җиңел (чит илләр өчен) дәрәҗәләр.

⠀

Катлаулы дәрәҗә: Шәриф Камалның «Матур туганда» романыннан өзек;

Уртача дәрәҗә: Гомәр Бәширнең «Туган ягым – яшел бишек» хикәясеннән өзек;

Җиңел дәрәҗә: Мирсәй Әмирнең «Агыйдел» хикәясеннән өзек.

⠀

Әгәр катлаулы дәрәҗәне авыр дип табасыз икән, "Агыйдел"дән текстны язу мөмкинчелеге бар.

⠀

Акциягә катнашу, язу ноктасын оештыру,  диктантны онлайн язу өчен тулырак мәгълүматны diktant.tatar сайтында табарга мөмкин.

⠀

"Татарча диктант" акциясенә дәррәү кушылып, Башкортстан татарларының бердәмлеген һәм бергәлеген  бөтен җир шарына күрсәтик!