Төмәнәкләр “Сәйдәш”тә булды

Бәйрәмнең исеменә җисеме тәңгәл булды.

Апрель ае ахырында Туймазы районы Төмәнәк авылы мәдәният йортының "Төмәнәк" татар халык фольклор ансамбле Казанның "Сәйдәш" мәдәни үзәгендә оештырылган "Дуслар җыелган җирдә" концертында чыгыш ясады. Татарстан Республикасының атказанган артисты һәм Татарстанның атказанган мәдәният хезмәткәре Гүзәл Исмәгыйль кызы Маликова оештырган бу чарада туймазылылар белән бер сәхнәдә Ырынбур өлкәсенең "Ләйсән" татар халык ансамбле һәм "Сәйдәш" мәдәни үзәгенең "Дуслар" фольклор ансамбльләре катнашты.

Чагу, күркәм бизәлешле программа зур уңыш белән үтте.