Бакчабыз гөрләп торды!

Сабыйлар илендә бәйрәм.

Бүген, 15 февраль көнне, Нефтекама шәһәренең 41нче балалар бакчасында "Ак калфак энҗеләре" ансамбленең ак әбиләре, ак бабае “21 нче февраль- Халыкара туган телләр көне” уңаеннан түгәрәк уеннар уздырды. Балалар бакчасы гөрләп торды. Татар телендә җырлар яңгырды, биюләр биеделәр, бәйрәм шигырьләр белән үрелеп барды. Бу күңелле җырлы-биюле бәйрәмдә балалар бакчасына йөрүче төрле милләт балалары катнашты. Кичә бик күңелле узды. Аны оештыручыларга, анда катнашучыларга, тәрбиячеләргә, сабыйларга рәхмәт,  дип яза "Ак калфак энҗеләре" оешмасы җитәкчесе С. Х. Вәлиева.