Без булырбыз - булдырырбыз!

Кичә УФһТУ татар филологиясе һәм мәдәнияте кафедрасында 11 нче "Хәзерге татар филологиясенең актуаль мәсьәләләре" Халыкара фәнни-гамәли конференция үтте.

- Яхшы үтте. Ул фән докторы, профессор, безнең бүлектә белем алган Рифкать Газизҗан улы Әхмәтҗановның тууына 90 ел һәм кафедрага 65 ел тулу уңаеннан оештырылган иде.

Пленар утырышта лингвистика, фольклор, филология, тюркология, мәдәният, методика юнәлешләре буенча кызыклы, тирән чыгышлар яңгырады.

Без булганбыз - булдырганбыз!

Без бар - булдырабыз!

Без булырбыз - булдырырбыз!

Хыялый фаразлау, дип уйлыйсызмы? Хыялсыз кеше - канатсыз кош. Канат очларын кисеп торсалар да, без очарга телибез, очарга өйрәнәбез әле һаман. Һәм - очачакбыз, - дип язган ВКонтакте сәхифәсендә педагогия фәннәре кандидаты, шагыйрә Лилия Сәгыйдуллина.