Ул янә филармония сәхнәсендә!

Башкортстанның атказанган артисты, Х.Әхмәтов исемендәге Башкорт дәүләт филармониясенең тынлы оркестр солисты, флейтачы Радик Динәхмәтов махсус хәрби операциядән кыска вакытлы ялга кайтты. Әмма кичәге артист, ә бүген инде “Әсән” буларак билгеле хәрби диванга кырын ятып ял итәргә җыенмый. Туганнары, дуслары, иҗатташлары белән очрашып, күрешеп калырга ашыга. Мәсәлән, бүген ул үзенең туган коллективы белән очрашты. Филармония артистларына үзенең хәрби тормышы турында сөйләде, аларның сорауларына җавап бирде.

Артистны сәламләргә Башкортстан мәдәният министры Әминә Ивний кызы Шәфыйкова да килгән иде.