Олы бәйрәмгә – зур концерт!

Уфа шәһәрендәге Арт-квадрат каршындагы халыкара конкурслар лауреаты,  татар халык “Милли аваз» җыр ансамбле  Республика көненә багышлап Арт-квадрат мәйданчыгында зур концерт куйды.   

Ансамбльне оештыручы үзешчән шагыйрь һәм композитор, Башкортстанның атказанган мәдәният хезмәткәре Мидхәт Әбделманов:” Арт-квадратта милли моңнарның даими яңгыравы – күңелгә тансык нәрсә. Моңны аңлаган һәр кеше өчен тәгаенләнгән концерт программасы тамашачы күңеленә барып җитә, дип уйлыйм һәм киләчәктә дә Арт-квадрат мәйданчыкларында даими бушлай концертлар  куярга уйлап торабыз. Башкалабызның иң дәрәҗәле урынында татар, башкортның классик  җырлары яңгырау –  бик матур күренеш”,– диде милли сәнгать өчен янып яшәүче Мидхәт ага.