Казан театры гастрольгә килә!

Уфага дүрт көнлек гастрольләр белән Кәрим Тинчурин исемендәге Татар дәүләт драма һәм комедия театры килә.
Тинчуринлылар 29 ноябрьдән 2 декабрьгә кадәр “Нур” театры сәхнәсендә чыгыш ясаячак. Гастроль репертуарында - Ләйсән Әминованың “Яратам! Бетте-китте!” җырлы-биюле комедиясе (режиссеры - Зөфәр Харисов), Салават Әбүзаровның “Хыялый” лирик комедиясе (режиссеры - Илшат Мөхетдинов), Салават Юзеевның “Кияү урлау” комедиясе (режиссеры - Регина Саттарова) һәм Ркаил Зәйдулланың “Ашина” мистик драмасы (режиссеры - Илсур Казакбаев).
Әйткәндәй, Тинчурин театрының беренче спектакле куелуга ноябрьдә 90 ел тула!

Тарихын исәпкә алганда – олпат, заман белән бер сулышта яшәвенә караганда яшь булган театр белән танышырга чакырабыз!