Көлә-елый мәктәпкә!

Җәйге йокы тәмам. Ата-аналар чатлары җанлана башлады...

**

Баланы мәктәпкә әзерләдек. Чыгымнарга караганда кияүгә биргән кебек булды.

**

-Ни өчен мәктәпкә 1 сыйныф укучылары гына ашкынып бара?

-Алар ничә ел укысын белми бит әле.

**

-Әни, журналистларга кеше алдаган өчен күп түлиләрме?

-Нәрсә дип алдыйлар?

-“Балалар 1 сентябрьне шатланып көтеп алды” диделәр. Шулай алдарга ярыймы?

**

1 сентябрь. Класс җитәкчесе укучыларга:

-Я, балалар, тикшереп карыйк әле. Җәй эчендә күп нәрсәне оныттыгыз микән?

-Апа, Сез кем?

**

1 сентябрь – каникулга 273 көн генә калды!

**

-Әни, 1 сентябрьдә укытучыга чыннан да ташкабаклардан гөлләмә бирәләрме ул?

-Әйе, кызым, әйе. Синең ташкабакларың әзер! Йокла!

**

1 сентябрь. Әнисе улының бәйрәмчә фотосын эшләргә тырыша.

-Улым, елмай инде!

Улы:

-Әни, мин сентябрьдән майга кадәр елмаймыйм!

**

 Әти, укытучы бүген миңа: “Алма агачыннан ерак төшми”, – диде. Ул нәрсә дигән сүз?

– Яле, әйт, дуңгыз, – нинди этлек эшләдең син анда мәктәптә?!!

**

Әбисе белән оныгы телевизор карап утыра, ә анда кош гриппына каршы көрәшне, йорт кошларын күпләп юк итүне күрсәтәләр. Кисәк кенә оныгы:

- Әби, ул кошларны нигә үтерәләр? - дип сорый.

- Чирләмәсеннәр өчен! - ди әбисе.

**

– Мәктәптә укыганда мин дөньяда иң авыр һәм эчпошыргыч эш дәрес хәзерләү дип уйлый идем.
– Ә хәзер?
– Ә хәзер иң авыр һәм эчпошыргыч эш балаң белән дәрес хәзерләү дип уйлыйм...