“Пушкин картасы” яңалыклары

“Пушкин картасы”н куллану тагын да уңайлырак һәм хәвефсезрәк булачак. Моңа өчен берничә яңалыклар кертелде.

1. Әгәр билет сатып алынган чара ни сәбәпледер булмый икән, акчаны гаризасыз да кире кайтарачаклар. Ә чараның вакыты күчерелү яки башка шундый үзгәрешләр булуы хакында алдан хәбәр итәргә тиеш булачаклар.
2. Бер чарага “Пушкин картасы” буенча берничә билет сатып алып, гаилә әгъзаларын яки дусларыңны алып барып булмаячак.
3. Карта хуҗаларын виртуаль караклардан да ышанычлырак яклаячаклар. Элек алар мәдәният өлкәсендә шәхси эшкуар булып теркәлеп, булмаган чарага ялган билет сата иде. Хәзер билет сату белән бердәм оператор гына шөгыльләнә алачак.
4. Мәдәни оешмалар һәм билет операторлары «Культура.РФ» (pro.culture.ru) платформасында теркәлергә бурычлы.
5. Мәдәният учреждениеләре өчен яңа таләп кертелә – алар юридик берәмлек буларак теркәлергә һәм матди-техник ресурсларга ия булырга тиеш. Мәсәлән, театр бинасы яки күргәзмә залы булу мәҗбүри.

“Пушкин картасы” программасында катнашу өчен гаризаларны махсус экспертлар советы ике атна эчендә карарга тиеш.