Экваторны үттек, тәмамлыйсы калды

   Башкортстанда чәчү эшләренең яртысын башкарып чыктылар. Бу хакта республика башлыгы Радий Хәбиров үзе хәбәр итә.

   Аның белдерүенчә, 4 майга сабан культуралары чәчү мәйданының 51,4 процентына басуына чәчелгән. Бу 1 миллион 84 мең гектар дигән сүз.

   “Бөртекле һәм бөртекле-кузаклыларны, мал азыгы һәм техник культуралар чәчәбез. Эшләр Башкортстан буйлап алып барыла. Илеш, Архангель, Кырмыскалы, Дүртөйле, Авыргазы, Әлшәй якларында чәчү 73-84 процентка башкарылган да инде”,- дип хәбәр итә төбәк башлыгы.

• Һава торышының яхшы торуы басуларга ике атнага иртәрәк чыгарга мөмкинлек бирде. Аграрийларыбызга моңа әзер булганнары өчен зур рәхмәт – орлык һәм ягулык-майлау материалларын алдан әзерләгәннәр,- дип тә өстәде ул.

   Фото: resbash.ru