Студентлар куйган мюзиклга шаккатып кайттык

   Чын мюзиклны караганыгыз бармы, дуслар? Минем караганым бар. Сәнгатьнең бу төре гаять катлаулы, ләкин искиткеч мавыктыргыч. Мюзиклда җыр һәм бию, театр сәнгате үрелеп бара һәм аерылмас бер могҗиза тудыра.

   1 Май бәйрәме алдыннан Уфа дәүләт фән һәм технологияләр университеты студентлары тырышлыгы-энтузиазмы белән “Авангард” мәдәният йорты сәхнәсенә куелган легендар ТАКТ III – 2023 мюзиклын карарга туры килде безгә.

   Шаккатып, тын да алмый карадык һәм геройлар белән бергәләп яндык-көйдек, алар белән бергә сөендек. Ә бит рольләрне сәнгать уку йортларында укучылар түгел, ә УУНиТ студентлары зур осталык белән башкарды. Булдырдыгыз, яшьләр, киләчәктә дә уңышлар телибез!