Мәдәният һәм сәнгать өлкәсендә хезмәте өчен

Русия Президенты Владимир Путин Башкортстанның мәдәният министры Әминә Шәфыйкованы «Мәдәният һәм сәнгать өлкәсендәге хезмәте өчен» медале белән бүләкләде. Бу хактагы указ хокукый мәгълүматның рәсми интернет-порталына куелды.

Башкортстанның атказанган артисты, Шәехзада Бабич исемендәге яшьләр дәүләт премиясе һәм халыкара конкурслар лауреаты Әминә Шәфыйкова республиканың мәдәният министры вазифасында 10 ел эшли.