Петербургта – Башкортстан көннәре

Фәйзи Гаскәров исемендәге башкорт дәүләт халык биюләре ансамбле Ленсовет исемендәге мәдәният йорты сәхнәсендә  «Дөнья халыклары биюләре» программасын  күрсәтте. Концерт  Гаскәров мирасының алтын фондыннан саналган «Зарифа» биюе белән башланып китте.

-Легендар биюләр һәм артистларның югары профессиональлеге беркемне дә битараф калдырмады. Һәр биюне тамашачы көчле алкышлар белән каршы алды. Бигрәк тә башкорт биюләре күңелләрне хисләндерә, -дип билгеләп үтте  Санкт-Петербург башкортлары Корылтае рәисе Гөлназ Ибраһимова.

Башкорт биюе буенча традицион мастер-классны Гаскәров  ансамбленең әйдәп баручы солисткасы Эльвира Муллагулова үткәрде.

Билгеле булуынча, гаскәровлылар хәзерге вакытта Русия шәһәрләре буенча зур турда йөриләр. Концертлар Тверь, Бөек Новгород һәм Санкт-Петербургта узды инде. Алда-Тихвин, Великие Луки, Мәскәү һәм Владимир шәһәрләренә бару көтелә.