Җиде авылда концерт куйганнар

Авыл халкының да күңеле шат булсын!

Биш көн эчендә җиде авылда концерт!

Стәрлетамак районында яңа автоклуб шундый дәртле эш башлап җибәргән. “Мәдәният” гомумдәүләт проекты кысаларында автоклубка ия булган бу як халкы хәзер мәдәни тормышка сусап яшәми.

Биш көн эчендә җиде авылда концерт куеп, район мәдәният хезмәткәрләре күп кешеләргә яхшы кәеф бүләк иткән.

15 сентябрьдә генә эшли башлаган автоклуб җырлы-моңлы сәфәрләрен дәвам итәр. Аларны көтеп алыр авыллар булсын, кешеләре сау-сәламәт булып, күңелле, мул тормышта яшәсен.