Иртәгә соңгы серия

“Зөләйха...”ның азагында нинди җыр яңгырар?

"Зөләйха күзләрен ача" сериалы Динә Гарипова башкаруында "Ай былбылым" җыры белән башланган иде. Сериалның нинди җыр белән тәмамланачагы да билгеле булды.

«Россия-1» каналында барган «Зөләйха күзләрен ача» сериалының соңгы сериясендә Татарстанның атказанган артисты Эльмира Кәлимуллина башкаруындагы «Өмет йолдызы» җыры яңгыраячак. Бу хакта җырчы «Татар кызы» бәйгесе аккаунты белән оештырылган туры эфир вакытында хәбәр итте.

«Өмет йолдызы» дигән яңа җырыбыз чыкты. 2018 елда композитор Эльмир Низамов Ренат Харис сүзләренә музыка язды. Парижга барырга әзерләнгән вакыт иде, шулчак Эльмир «җырлап карале», — диде.

Җырлап карадым, сүзләре искиткеч, фәлсәфи яктан бик киң. Без аны 2019 елда яздырдык. Алла теләсә, әлеге җыр «Зөләйха күзләрен ача» сериалының соңгы сериясендә булачак», — диде ул, дип белдергән җырчы "Татар-информ"га.

Милли асылыбызны саклаган җырлары гына матур шул бу фильмда...