“Топорниннар йорты”н реконструкцияләячәкләр

1812 еллардагы хәрби бәрелешләрдә катнашканы өчен Топорнинга җир участогы бирәләр. Ул шунда дворян йортын күтәрә. Аны планлаштыру һәм төзү өчен Петербург шәһәреннән француз архитекторын чакыралар. Революциядән соң бу сарайда төрле объектлар урнаштырыла, монда балалар приюты да, бакча станциясе дә, техникум да була. Бөек Ватан сугышы елларында анда Коминтерн мәктәбе ачыла: фашистлар окупацияләгән территорияләрдә партизан хәрәкәтләре оештырырга һәм диверсия эшләренә өйрәтәләр.

Кушнаренко районы хакимияте башлыгы Руслан Гыйззәтуллин әйтүенчә, әлеге вакытта инвестор белән сөйләшүләр алып барыла. “Архитектура һәйкәлен тергезү байтак кына чыгымнар таләп итә. Кызганычка каршы, район казнасында ул кадәр акча юк. Әлеге вакытта безнең бу бинаны тергезергә риза булган инвестор бар, ул аның тышкы кыяфәтен тулысынча саклаячак”.