Җырлары калды күңелләрдә

Кызганычка каршы, тирә-як яшеллеккә күмелеп, яшәү дәрте арткан җәйгә күңелле хәбәрләр белән генә аяк басмыйбыз. Сәнгәтебез бу атнаны зур югалту кичерде. Билгеле җырчы, музыкант, композитор һәм гомумән талантлы шәхес Рәүф Сәлтәшев бакыйлыкка күчте. Изге Рамазан аенда 44 яшендә фанилыктан китте ул. Гаиләсе, туганнары белән беррәттән бу югалту ачысы тамашачылар күңелен дә әрнетә. “Зәңгәр күлмәк” , “Җырым белән” “Җир астыннан юллар юк”, “Калырмын йөрәгеңдә” һәм башка бик күп җырлары белән халык күңелендә калыр ул.