Ковид, ниһаять, чигенәме?

Башкортстанда ковид белән авыручылар саны 674 кешегә кадәр кимеде, дигән мәгълүмат бирә БР Сәламәтлек саклау министрлыгының матбугат хезмәте.

   Пандемия башланган чордан алып республикада 321,2 мең кеше авырырга өлгергән.

   Бүгенге көндә стационарларда 293 кеше дәвалана, шуларның күбесен өлкән яшьтәгеләр тәшкил итә. Амбулатор шартларда дәваланучылар саны – 4,5 мең кеше. Шуларның 1,4 меңе – 60 яшьтән өлкәннәр.

   Вакцинациягә килгәндә, ковидтан ике компонентны да алучылар саны 3,115 миллионга җиткән.

Фото: ufa.rbc.ru