Коронавирус - мәкерле авыру

БР Сәламәтлек саклау министры Айрат Рәхмәтуллин “Россия 24. Башкортстан"  телеканалының "Вести. Интервью" программасының кунагы булды. Ул бөтен дөнья буенча яңа коронавирус инфекциясе белән авыручылар санының артуы күзәтелүе турында сөйләде.

“Бөтен дөнья буенча яңа коронавирус инфекциясе белән авыручылар саны арту тенденциясе бара. Хәзер штамм-омикрон өстенлек итә, ул төрләнә бара – штаммнар даими үзгәреп тора. Төп билгеләр арасында-ютәл, томау һәм тамак авырту", - дип билгеләп үтте Рәхмәтуллин.

Шул ук вакытта Рәхмәтуллин риск төркемендә элеккегечә өлкән яшьтәге кешеләр булуын ассызыклады.

“Без хәзер платога чыктык, әмма инде үсеш белән, тәүлегенә 220-230 уңай очрак күзәтелә. Узган атнада 140-150гә якын иде. Үсеш теркәлә, әмма авырулар саны Роспотребнадзор теркәгән нормаларга һәм әһәмияткә караганда түбәнрәк", - дип аңлатты Рәхмәтуллин.

Ул шулай ук тамашачыларны үз-үзеңне дәвалау белән шөгыльләнмәскә, табибны өйгә чакыртырга һәм ПЦР-тестлар тапшырырга чакырды.

“Бу мәкерле авыруны бәяләп бетермибез, нәтиҗәдә тромбозлар һәм башка симптомнар рәвешендә йөрәк-кан тамырлары системасы ягыннан өзлегүләр китереп чыгарырга мөмкин. Шуңа күрә биредә һичшиксез үз-үзеңне дәвалау белән шөгыльләнергә кирәкми. Табибны өйгә чакыртырга, ПЦР-тестлар тапшырырга һәм квалификацияле дәвалау алырга кирәк. Симптомнар барлыкка килгәндә тест бирергә, кешеләр күп җыела торган урыннарда йөрмәскә киңәш итәбез, бигрәк тә 65+ категориясенә керсәгез, кулларны эшкәртергә", – дип өстәде Рәхмәтуллин.

Ул хәбәр иткәнчә, республика  вакциналаштыру темплары буенча Русия Федерациясендә 4 нче урында тора. Министр Башкортстан дарулар белән тәэмин ителгән, алар җитмәүдән куркырга кирәкми, дип ышандырды.

 Чыганак: gtrktv.ru