Көзен Башкортстанга коронавирусның яңа дулкыны киләчәк, дип хәбәр иткән сәламәтлек саклау министры Айрат Рәхмәтуллин Business FM-га биргән интервьюсында.
“Эпидемиологик хәл яхшыруга карамастан, без чирнең яңадан кабынуына әзерләнәбез. Бу иң элек грипп һәм ОРВИ сезоны белән бәйле”, – дип аңлата Айрат Рәхмәтуллин.
Министр сөйләвенчә, соңгы айда коронавирус йоктыручанлык 30 процентка кимегән. Русиядә халыкны вакцинацияләү һәм ревакцинацияләү темплары буенча Башкортстан икенче атна рәттән өченче урында килә.
Республикага коронавирус килүенә 2 елдан артык вакыт үтте. Республикада “таҗлы” вирусны йоктыру очрагы 2020 елның язында теркәлде.
Чыганак: bashinform.ru