Ковид чигенми

Кытайда ул кабат “уянган”...

Әле республика дәваханәләрендә 195 кеше ковид белән көрәшә, алар арасында 133 пациент 60 яшьне үткән. 31 якташыбызның хәле авыр, дүртесе үпкәләргә ясалма вентиляция ясау аппаратына тоташтырылган.

29 039 якташыбыз амбулатор дәвалана, алар арасында 6 694 пациент 60 яшьтән өлкән.

Тәүлек эчендә 3138 якташыбыз ковидны җиңгән. Савыгучылар саны — 225 995.

COVID-19 янә 6 якташыбызның гомерен өзде.  Корбаннар саны 5 392гә җитте. Аларның  4 578-е 60 яшьне узган булган.

1нче компонент белән  2 490 924 кеше вакциналанган (тиешлеләрнең 100,3% проценты). 2 355 281 кеше вакциналануны тулысынча төгәлләгән (тиешлеләрнең 94,8 проценты).

Бер тәүлектә 1 315 кеше прививка ясаткан (1нче компонент белән  - 699, 2нче компонент белән - 696).

Кытайда соңгы тәүлек эчендә 3400гә якын коронавирус белән зарарлану очрагы теркәлгән, бу 2020 елның февралендә пандемия башланганнан бирле иң югары күрсәткеч, дип хәбәр итә «Российская газета».

Фото: ria.ru