Грипп һәм коронавирусны берьюлы йоктырып буламы?

Иммунолог Владислав Жемчугов  берьюлы ковид һәм грипп йоктыру ихтималына бәя бирде. Эксперт фикеренчә, мондый хәл мөмкин түгел.

Табиб аңлатуынча, пациент организмында бер вирус мотлак рәвештә  икенчесен кысрыклап чыгарачак, ә вирусларның үзара көрәшеп,  кайсысыныңдыр җиңеп чыгуына  йоктыру вакыты һәм үрчү тизлеге йогынты ясаячак. Жемчугов шуны да әйтә: ике вирус та  лайлалы тышчада бер үк вакытта була ала. Бу очракта ПЦР-тест ике вирусны да ачыклый ала, әмма бу вирусның икесе дә йоккан дигәнне аңлатмый.

Иммунолог сүзләренчә, тәүдә – коронавирус, соңыннан грипп белән авыру мөмкин, һәм организм өчен бу бик хәвефле булачак, чөнки беренче вирус белән көрәшүгә ул бар булган  көчен сарыф итәчәк.

Чыганак: moslenta.ru