Саннар хафаландыра

Республика буенча бүгенге көндә ковид белән авыручылар саны  132 078  кеше тәшкил итә. Ә яңа очраклар саны  - 964.

Әлеге көндә стационарда барлыгы 192 авыру дәваланса, шуларның 121е - 60 яшьтән өлкәнрәкләр.  Шул исәптән 42се – авыр хәлдә, ясалма сулыш алдыру аппаратын 2 кеше куллана.

5927 кеше амбулатор дәвалануда булып, тәүлек эчендә 491е терелеп, аякка баскан. Барлыгы 121 241кеше савыгып чыккан.

Кызганычка каршы, бу афәт күпме кеше  гомерләрен өзә. Шул рәвешле, COVID-19дан 9 үлем очрагы теркәлгән. Ә барлыгы әлеге чорга 4 748 кеше якты дөньядан киткән, шуларның 4 087  - 60 яшьтән өлкәнрәкләр тәшкил итә.

Дәваханәдән тыш пневмониядән тәүлегенә 28 авыру теркәлеп, 141е савыгып чыккан.

Республикага барлыгы коронавирус инфекциясен профилактикалау өчен 2 914 858 доза вакцина кайтарылган.

Беренче компонент белән 2 360 373 кеше вакцина ясаткан (тиешле халыкның 95% ы). Вакцинацияне  тулысынча 2 199 946 кеше төгәлләнгән (88,5 % ы).

Тәүлек эчендә 2 483 кеше прививка эшләткән. Вакцина ясаткан 60 яшьтән олырак кешеләрнең гомум саны - 785 763.

Бүгенге көндә республикада ревакцинация үткән гражданнар саны 303 514 кеше тәшкил итә.