Үсмерләр өчен вакцина кайтты

    Үсмерләр өчен «Спутник М» вакцинасы кайтты.

   БСТ телеканалының «Сәлам» программасында Башкортстан Республикасы белән идарә итү үзәгеннән туры эфирда бүген балаларны коронавирустан вакциналау турында сөйләделәр һәм барсын да кызыксындырган сорауларга җавап бирделәр.

   Иң популяр сорауларга җавапны республиканың сәламәтлек саклау министры урынбасары Игорь Засядкин бирде:

• Үсмерләрне вакциналау безгә коллектив иммунитет булдыру өчен кирәк. Үткәрелгән тикшеренүләр шуны күрсәткән: «Спутник М» вакцинасыннан соң өзлегүләр күзәтелми диярлек.

• «Спутник М» вакцинасы прививкаларның милли календарена кертелде.

• Билгеле булуынча, 12-15 яшьлек балаларга вакцина ясау - ата-аналар яки опекуннарның ризалыгы белән эшләнә, ә инде 15 яшьтән өлкәнрәк балалар үзләре ризалык бирергә хокуклы.

• Прививкадан соң баланың прививка ясатуы турындагы белешмә бирелә.

12 яшькә кадәр балаларга, хроник чирләр һәм кискен авырулар кискенләшкәндә, вакцина компонентларына аллергия булганда вакцина ясарга ярамый.

Фото: Башинформ.