Кайчан котылабыз инде?!

Әлеге көндә таҗлы вирус үз һөҗүмен дәвам итә, кызганычка каршы авыручылар, үлүчеләр саны кимеми. Республика буенча бүгенге көндә ковид белән авыручылар саны  110 мең 906 кешегә җиткән. Ә яңа очраклар саны  - 624 тәшкил итә.

Әлеге көндә стационарда барлыгы 453 авыру дәваланса, шуларның 297се - 60 яшьтән өлкәнрәкләр.  Шул исәптән 96сы – авыр хәлдә, ясалма сулыш алдыру аппаратын 10 кеше куллана.

6 мең 828 кеше амбулатор дәвалануда булып, тәүлек эчендә 626сы терелеп, аякка баскан. Барлыгы 99 мең  835 кеше савыгып чыккан.

Кызганычка каршы, бу афәт күпме кеше  гомерләрен өзә. Шул рәвешле, COVID-19дан 26 үлем очрагы теркәлгән. Ә барлыгы әлеге чорга 3 мең 790 кеше якты дөньядан киткән, шуларның 3 мең 401е 60 яшьтән өлкәнрәкләр тәшкил итә.

Дәваханәдән тыш пневмониядән тәүлегенә 61 авыру теркәлеп, 75е савыгып, аякка баскан.

Ковидтан вакцина ясау планы  - 2 484 667 кеше (олыларның гомум саны - 3 105 836 кеше).

Республикага Covid-19дан 2 млн. 661 мең  758 доза  вакцина кайткан. Барлыгы 1 млн. 810 мең 837 кеше аны ясаткан.

Тәүлек эчендә 19 мең 553 кеше (беренче компонентны – 6 мең 975, икенчесен 12 мең 578 кеше) вакцинация үткән.