Таләпләрне үтәмәүчеләргә җәза кырыс

Югары уяулык режимын бозганга сәүдә үзәкләре эшчәнлеге туктатылды. Октябрьский шәһәрендәге ике сәүдә үзәгенең эшчәнлеге яңа коронавирус инфекциясе таралуга каршы чараларны үтәмәү белән бәйле ачыкланган хокук бозуларны бетергәнче туктатылды. Бу турыда Башкортстан Сәүдә министрлыгы сайтында хәбәр итәләр.

Башкортстан Сәүдә һәм хезмәт министрлыгы хезмәткәрләре, Роспотребнадзор, шәһәр хакимияте һәм полиция вәкилләре Октябрьский шәһәрендәге сәүдә объектларында башлык Указын үтәү буенча рейд үткәрделәр. Нәтиҗәдә, "Простор", "Хыял", "Универсаль" сәүдә үзәкләрендә хокук бозулар ачыкланды. 

"Октябрьский шәһәрендәге өч сәүдә үзәгендә тикшерүләр вакытында хокук бозулар теркәлде. Керү төркемендә тән температурасы дөрес үлчәнми. Сертификатлар һәм прививка ясатуга медотводлар тикшерелми. Ике сәүдә үзәгенең эшчәнлеге ачыкланган хокук бозулар бетерелгәнче туктатылды ", - диде Республиканың Сәүдә һәм хезмәт министры Алексей Гусев.

Башкортстанда рейдлар 30 октябрьдән алып барыла. 265-дән артык сәүдә һәм хезмәт күрсәтү объекты тикшерелгән, аларның 20сендә хокук бозулар ачыкланган.

Исегезгә төшерәбез, республикада оешмалар һәм шәхси эшкуарлар өчен саклану чараларны үтәмәгән өчен штрафлар билгеләнде: гражданнар өчен - 1-3 мең сум; вазифалы кешеләргә - 5-15 мең сум; юридик затлар өчен - 50-100 мең сум.

Административ хокук бозу өчен: гражданнар өчен - 3-5 мең сум; вазифа биләүчеләргә - 15-30 мең сум; юридик затлар өчен - 100-200 мең сум.

Керем артыннан кумыйк, бер – беребезне хөрмәт итик, дуслар!

Чыганак: Башинформ

Фото: Башинформ