Башкортстан кире рекордлар куя

Коронавируска бәйле хәл борчуга сала.

Соңгы тәүлектә Башкортстанда 420 кешегә ковид диагнозы куелган. Үлүчеләр саны 21 кеше дип исәпләнә. Бу саннар – абсолют антирекорд. Мондый хәлнең әлегә кадәр теркәлгәне юк иде.

Шулай итеп, республикада бу чирне йоктыручыларның гомум саны 66 879га җитте, үлүчеләр исемлегендә – 1615 кеше, дип хәбәр итәләр оператив штабтан.

Халыкның күпчелеге вакцина эшләткәндә генә әлеге саннарны азайтуга ирешеп булачак, диләр табиблар.

Бүгенгә республикада 1 282 792 кеше прививканың беренче компонентын ясаткан, 1 175 839 кеше икесен дә эшләткән.