Коронавирусның кеше организмына йогынтысы коточкыч

Мәсәлән, Ливерпуль институты, Лондонның Университет көллияте, Йельск университеты тикшеренүчеләре COVID-19 баш мие зарарлануга китерүче неврологик процессларны котыртуын ачыклаган.

Коронавирус йоктырган һәм шул сәбәпле неврологик һәм психиатрик катлаулануларга ия булган 62% авыруларда баш миен кан белән тәэмин итү системасы бозылуын раслаган.

31% пациентлар зиһеннәре чуалудан интеккән, хәтта озак вакыт дәвамында һушсыз ятучылар да булган. Шулай итеп, галимнәр фикеренчә, коронавирус шаукымнары арасында иң еш очрый торганнары – инсульт һәм энцефалит (баш мие тукымаларының ялкынсынуы).

Энцефалит катлаулырак формага – кискен энцефаломиелитка – күчәргә мөмкин. Ул очракта баш мие дә, арка мие дә ялкынсына, нейроннар миелинлы тышчаларын югалта, боларның барысы да тарау склерозга (рассеянный склероз) охшаш билгеләргә китерә.

Шул ук вакытта COVID-19ның неврологик шаукымнары төрле пациентларда: яшьләрдә, өлкәннәрдә, хәвеф төркеменә кермәгән авыруларда яисә акыл халәте җитди үзгәрешләргә дучар пациентларда да очравы ихтимал.