Рөстәм Әхмәдинуровны пневмония белән хастаханәгә салганнар

Башкортстанның “Бердәм Русия” башкарма комитеты башлыгы Рөстәм Әхмәдинуров пневмония белән хастаханәгә салынды, дип хәбәр итте Республика Башлыгы Радий Хабиров социаль челтәрләрдә.

“Бүген без COVID-19 анализы нәтиҗәләрен алдык. Ул уңай. Төнлә штабта хәвефсезлек һәм дезинфекция чаралары үткәрелде, контактта булучыларны изоляцияләделәр”, - дип язды Радий Хабиров.

Эпидемиянең беренче көннәреннән Рөстәм Әхмәдинуров "Бердәм Русия" штаб-квартирасында иң ярлыларга, күп балалы гаиләләргә, ялгызларга, өлкән яшьтәгеләргә булышу өчен волонтерлар эшен оештырды. Штаб элекке режимда эшләвен дәвам итәчәк, офиска яңа волонтерлар килгән.