Ник арта?

Башкортстанда коронавирус йоктыру очраклары көн саен арта. Моның сәбәбе нидә? Республиканың сәламәтлек саклау министры Максим Забелин әлеге хәлгә аңлатма бирде.
-Чир йоктыручы кешеләрнең күбрәк ачыклана баруы Башкортстанда лаборатор тестларның артуы, чирләүчеләр белән бәйләнештә булган барлык кешеләрнең, Мәскәүдән һәм башка төбәкләрдән кайтучыларның тикшерелүе белән бәйле, - ди министр.
Барлыгы республикада 77474 тикшерү үткәрелгән, 71383 кеше тикшерелгән. Соңгы тәүлектә – 3606 кеше.
Бүген республикада коронавирус белән авыручылар саны 935кә җитте. Соңгы тәүлектә инфекция йоктыруның 92 очрагы ачыкланды.