Башкортстанда коронавирус кайчан бетә?

Башкорт дәүләт медицина университеты һәм авиация-техник университетының проект офислары Башкортстанда “Ковид-19” инфекциясе буенча фаразлар ясаган. Республикада “плато”га (чирләүчеләрнең артуы туктау) 9-12 майларда чыгачакбыз, дигән проектта канташучы Нәүфәль Заһидуллин.

“3-4 майларда авыручылар саны 1 меңнән артачак. Аннан 9-12 майга кадәр көн саен 70-90 кешедә инфекция ачыкланачак”, - дигән ул. Май азагына авыручыларның күбесе терелеп хастаханәләрдән чыгачак.

“Плато”га чыгу ул әле эпидемиянең азагы түгел, ди ул.