Яшьләргә коронавирус йоктырырга тәкъдим иткән

“Үзизоляциядә утырып кына без аны җиңә алмаячакбыз, бу бик озакка сузылачак”, - дигән. Карантинның озакка сузылуы вирустан да куркынычрак, ди ул. Вакцина көтеп утыру да дөрес түгел. Аны ким дигәндә алты ай эшләргә кирәк. Чын вакыты исә – бер ел. “Вакцина ясалганчы бер ел өйдә бикләнеп утыра алмыйбыз бит инде. Безнең җәмгыять белән мәдәният тулысынча җимереләчәк”, - дигән фикердә профессор.

Ул өч пункттан торган вариант тәкъдим итә. Беренче: карантинда олы яшьтәгеләр генә утырырга тиеш. Икенче: кул белән йөзгә тимәскә өйрәнергә кирәк, бөтен кеше дә битлек белән йөрергә тиеш. Өченче: яшьләрне коронавирус белән чирләтеп, иммунитет булдыру.

Әлеге вакытта Дания шушы план буенча яши башлады. Пасха бәйрәменнән соң уку йортлары ачылачак.