Коронавирустан үлгән кеше чир йоктыра алмый

12 апрельдә узган Сәламәтлек саклау министрлыгы брифингында мәрхүмнәрне җирләүгә барлык нормалар буенча да “әзерләячәкләр” дип белдерделәр. Аннары, әлегә республикада коронавирустан дөнья куйган 1 генә кеше теркәлгән.

“Алар (мәрхүмнәрнең җәсәдләре — Авт.) туганнарына әзер рәвештә тапшырылачак. Православие динендәгеләрнеке — ябык табутта, мөселманнарның туганнарын ачык табутта җирләүгә әзерләячәкләр. Һәркемгә памяткалар таратылачак”, — дип аңлатты БР буенча Роспотребнадзор идарәсе начальнигы вазифасын башкаручы Венер Изикаев.

“Мәрхүм кеше коронавирус чыганагы булып тормый, ул вирус бүлеп чыгармый”, — диде БРның Гигиена һәм эпидемиология үзәгенең баш табибы Анна Казак. Шулай да мәрхүмнәрне соңгы юлга озатканда күпләп җыелмаска киңәш китте Анна Анриевна. Иң яхшысы — якын туганнар гына килү, ул очракта да дистанцияне үтәргә һәм индивидуаль саклау чаралары кулланырга кирәк, дип белдерде ул.

Сәламәтлек саклау министры Максим Забелин COVID-19ның чума да, Себер язвасы да булмавын ассызыклады. Аның сүзләре буенча, вирус әллә ни тотрыклы түгел, һәм ул озак яшәми.