Интернат ике атнага карантинга ябылган

Менә шул сәбәпле Нефтекамада коронавирус таралу ихтималының артуы турында имеш-мимешләр күп таралган һәм хәлләргә ачыклык кертү максатында БР Хөкүмәте Премьер-министры урынбасары, Гаилә, хезмәт һәм халыкны социаль яклау министры Ленара Иванова интернат директоры Рәдиф Гәрәевка шалтыраткан.

Видеога яздырылган сөйләшү барышында Рәдиф Рифкать улы боларны сөйләгән:

“Пациентта ютәлләү, югары температура күзәтелмәде, әмма анализлар шик тудырды. Шуңа без бу очракны игътибарга алдык һәм тиешле органнарга хәбәр бирдек. Шулай ук штаб төзедек һәм изоляциягә ябылырга булдык. Бүген 13 кеше карантин режимында. Шәһәр бу хәлне аңлап кабул итте, бар тарафтан ярдәм агыла башлады. Иртүк учреждение эшкәртелде, төрле костюмнар, битлекләр җибәрделәр. Шик астында булучылар аерым бүлеккә урнаштырылды. Кече һәм урта медперсоналның бер өлеше ябык режимда эшли, обсерваториядагылар алмашынып тора. Килеп туган хәлне хезмәткәрләр сабырлык һәм каһарманлык белән кабул итте”.